Om stillingen

Sjølv på dei mest vêrharde og bortgøymde plassane har vi observatorium og teknisk utstyr. Er du vår nye kollega som skal ta vare på desse?

Vi har ledig ei 100 % fast stilling som ingeniør i seksjon for teknisk støtte i operasjons- og logistikkavdelinga. Seksjonen støttar heile instituttet med eit vidt spekter av tekniske oppgåver, blant anna i forskingsprosjekt og på dei ulike stasjonane våre i nord og sør.

Stillinga høyrer til prosjektet TONe (Troll observasjonsnettverk), som er finansiert av Forskningsrådet for å bygge opp ny forskingsinfrastruktur ved Troll forskingsstasjon i Antarktis. Infrastrukturen består av åtte ulike observatorium, ei droneteneste og eit datasystem. Polarinstituttet leiar infrastrukturprosjektet med fem andre norske og fire utanlandske samarbeidspartnarar. TONe er nå to år inn i etableringsfasen der du vil vere ein teknisk nøkkelperson for den vidare implementeringa av TONe.

Arbeidsstaden din vil vere Tromsø, men du skal ha opphald på Troll kvar sommarsesong under oppbygginga av TONe.

Arbeidsoppgåver

I denne stillinga skal du, saman med anna personale i NPs seksjon for Teknisk Støtte, bidra til videre etablering av infrastrukturen på og rundt Troll forskingsstasjon i Antarktis. Sentrale arbeidsoppgåver for stillinga vil vere å:

• bidra i videre etablering av NP sine observatorium i TONe
• gi støtte, ved behov, til samarbeidspartneranes observatorium
• bidra til å bygge opp dronetenesta
• ha rolla som teknisk bindeledd mellom prosjektleiinga i TONe, antarktisseksjonen i NP og (interne og eksterne) infrastruktureigarar
• ha ansvar for å halde oversikt over og dokumentere tekniske aspekt for alle observatorium i TONe

Du vil også kunne få andre oppgåver i seksjonen. Seksjonen gir blant anna teknisk støtte på tokt med forskingsfartøyet Kronprins Haakon, til våre forskingsstasjonar på Svalbard og ei rekke andre forskingsprosjekt.

Kvalifikasjonar

For stillinga krevst:

• ingeniørutdanning på master eller bachelornivå eller tilsvarande teknisk utdanning. Lang relevant arbeidserfaring frå det aktuelle fagområdet vil i spesielle tilfelle kunne vege opp for utdanningskravet.
• røynsle med elektronikk og data (her vektleggas erfaring og kompetanse med nettverksløysningar og drift/oppsett av servere)
• kunne vise til røynsle frå prosjektarbeid/prosjektleiing.
• gyldig førarkort for bil.

Vi ønskjer at du har røynsle med:

• programmering (C, Matlab, Pyton og C#), databasar og webapplikasjonar, industriell datakommunikasjon, radiosystem/link, elektronikk, PLS og datainnsamling.
• teknisk støtte til forskingsarbeid.
• å jobbe i polare strøk.
• vitskapleg instrumentering og/eller datastraumar.
• bruk av risikovurderingar og sikkerheitsprosedyrar.

Du vil til tider jobbe under krevjande forhold, spesielt i Antarktis. Vi vil derfor leggja stor vekt på personlege eigenskapar. Måten vi arbeider på krev at du blant anna må vere sjølvstendig, strukturert og ryddig, ha gode samarbeidsevner og vere løysingsorientert. Du vil til tider vere langt frå allfarveg, så du må vere allsidig og kanskje litt kreativ for å finne gode løysningar. Utfordrande arbeidsforhold krev god fysisk form og helse, du må derfor også bestå helsesjekk etter retningslinjene våre.

Sidan du vil vere i kontakt med mange ulike typar menneske er det viktig at du kommuniserer godt skriftleg og munnleg på både norsk og på engelsk. Arbeidsspråket vårt er norsk. 

Vi tilbyr

• fast stilling med arbeidsstad Tromsø.
• interessante og spanande arbeidsoppgåver i eit internasjonalt miljø.
• lønn etter statens regulativ i kode 1085 avdelingsingeniør eller kode 1087 overingeniør, avhengig av kvalifikasjonar og erfaring. Det blir trekt 2% til Statens pensjonskasse.
• gode pensjons- og forsikringsordningar gjennom Statens Pensjonskasse.

Mangfald er viktig for oss. Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi oppfordrar kvinner til å søke.

Det er spesielle helsekrav til denne stillinga, blant anna fordi delar av jobben skal utførast under unormale forhold. Det gjer at tilrettelegging av arbeidsplassen kan vera vanskeleg, men vi vurderer det alltid. 

Søknaden

Søknadsfristen er 15. september 2024

Søknad med relevante kvalifikasjonar og erfaring, CV, kopi av sertifikat, vitnemål og attestar, og namn på minst tre referansar må registrerast i www.jobbnorge.no. Vedlegg skal registrerast saman med søknaden i Jobbnorge.

For å sikra ein god rekrutteringsprosess samarbeider vi med Semac (www.semac.no) om elektronisk referansesjekk og bakgrunnssjekk. Det er med på å sikra at vi rekrutterer rett kompetanse og bidrar til ei rettvis evaluering av søkarane. Bakgrunnssjekken består ofte av verifisering av oppgitte opplysningar i søknad, CV, vitnemål, mv.

All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkaren gjerast offentlege sjølv om søkaren har bedt om å ikkje bli ført opp på søkarlista, jf. offentleglova § 25, andre leddet.

Vi ønskjer ikkje kontakt med annonseseljarar.