Sivilforsvaret søker rådgjevar - forvaltning

Vil du ta del i å tryggje samfunnet? Vil du vere ein viktig del av beredskapen i Noreg?

Vi ser etter ein dyktig forvaltningsmedarbeidar/arbeidsleiar til Østfold sivilforsvarsdistrikt. Du vil ha ei viktig rolle i eininga som står for logistikk og forvaltning, med særleg fagansvar for operativt sivilforsvarsmateriell, lagre og leigde lokal. Vi ser etter deg som er samfunnsorientert, likar å jobbe med menneske og trivst med at ikkje alle dagar er like.

Du skal:

• leie forvaltning av materialet til distriktet og stå for innkjøp og delar av økonomiforvaltning i samsvar med gjeldande regelverk, forskrift og direktiv – med dette også materiellregneskap
• leie logistikkarbeidet i distriktet, og med det væra fast arbeidsleiar for tilsett kommunalmateriellforvaltar og fagleg føresett for tenestepliktige materiellansvarlege, tilsvarande
• ta ansvar for eigedomsforvaltinga og lagra til distriktet, unnateke eventuelle fjellanlegg
• være distriktet sin IKT-kontakt opp mot IKT-eininga i DSB, og i samarbeid med dei forvalte IKT-materiell og oppgåver ved distriktet
• ved behov delta i distriktsaktivitetar innanfor trening, øving og beredskap, og ved behov kunne ta del i beredskapsvaktordning (heimevaktordning)

Kvalifikasjonar

Du må ha:

• relevant bachelorgrad, relevant kortare utdanning (t.d. relevant etatsutdanning eller bedriftsintern opplæring) saman med lang relevant erfaring kan kompensere for utdanningskrav. Utanlandsk utdanning må vere godkjend av NOKUT
• god og relevant IKT-kompetanse
• god munnleg og skriftleg formidlingsevne på norsk og god muntlig framstillingsevne på engelsk
• førarkort klasse B
• tryggleiksklarering før tiltreding

Det er ønskeleg at du har:

• erfaring frå logistikk og/eller innkjøp, med dette også relevante programvare/IKT for logistikk og/eller rekneskap og økonomiforvaltning
• arbeidsleiarerfaring
• erfaring frå offentleg forvalting
• erfaring som rettleiar og/eller utdanning innanfor pedagogikk
• erfaring frå beredskapsarbeid
• førarkort klasse BE/C1E
• truckførarbevis

Personlege eigenskapar:

• målmedviten
• ein lagspelar
• evne til å følgje opp
• endrings- og utviklingsorientert
• systematisk

Vår nye medarbeidar får:

• ein spennande og variert jobb innanfor eit viktig samfunnsoppdrag, brei kontaktflate og høve til personleg utvikling
• ei god blanding av logistikk-, administrative- og utviklingsoppgåver
• jobbe med engasjerte medarbeidarar i eit godt arbeidsmiljø
• fleksibel arbeidstid
• høve til å trene i arbeidstida
• bedriftshelseteneste
• gode pensjons-, låne- og forsikringsordningar i Statens pensjonskasse
• årsløn frå kr 553 500 til 615 000 (lønstrinn 60-66) som rådgjevar (stillingskode 1434)

Om sivilforsvaret, distriktet og stillinga

Sivilforsvaret er underlagt DSB og har som hovudoppgåve å beskytte den sivile befolkninga i fred, krise og krig. Ved ulukker, flaum, skred, brann, pandemi og andre hendingar vil Sivilforsvaret hjelpe naud- og beredskapsetatane. Ved store kriser og krig har Sivilforsvaret oppgåver knytt til varsling, tilfluktsrom, evakuering og vern av befolkninga. Sivilforsvarsstyrken består av ca. 8000 tenestepliktige fordelte på 20 distrikt som er leidde av distriktssjefar. I tillegg til tenestepliktige, har distrikta fast tilsette.

For å kunne bidra i oppgåvene til Sivilforsvaret, er det viktig at du er skikka til å jobbe i ein beredskapsorganisasjon. Det kan vera aktuelt å ta del på øvingar og innsatsar, innanfor ramma av eigen kompetanse og fagområde. Sivilforsvaret er ein uniformert etat.

Distriktskontoret er etablert like utanfor Sarpsborg sentrum – like ved E6 - Tunejordet. Distriktet har normalt sju fulltidstilsette. Geografisk dekkjer vi i grovt det området som tidlegare utgjorde Østfold fylke, i dag med 12 kommunar. Området vårt er ein del av Viken fylke.

Som arbeidsleiar vil du ha fagansvaret for alt av logistikk, materiale, leigde eigedomar, køyretøy, deler av økonomiforvaltning og lagre i distriktet. Stillinga krev breidde i forhold til fagkunnskapar samt leiareigenskapar, og er difor særleg høgt løna som rådgjevarstilling. Du vil jobbe opp mot kompetansesenteret til Sivilforsvaret (SFK) og støtteavdelingar DSB. I tillegg vil du samarbeide med andre sivilforsvarsdistrikt, kommunar og i nokon grad andre regionale etatar. Du må også være budd på støtte ved aktivitetar som er knytte til trening, øving og beredskap.

Ved større hendingar kan det være behov for stille på kort varsel, og det må påreknast noko arbeid utanfor ordinær arbeidstid. Distrikta har beredskapsvaktordningar (heimevaktordning) der kvalifiserte medarbeidar må vera budd på å gå i turnus. Etter nærmare avtale, eige ønskje og opplæring, kan det være aktuelt å ta del i vaktturnus eller ta einskildvakter. Noko reiseverksemd må påreknast, også med overnatting borte frå heimen. Du vil få naudsynte kurs og kompetansetiltak etter oppstart.

Sjå www.sivilforsvaret.no for meir informasjon.

Om å jobbe i DSB

Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar difor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er fleksibel og tilrettelegg for mobilt kontor når det er hensiktsmessig.

Offentleg søkerliste

Det vil bli utarbeidd offentleg søkjarliste når søknadsfristen går ut. Opplysningar om søkjaren kan bli offentleggjort sjølv om søkjaren har bede om å ikkje bli ført opp på søkjarlista, jf. Offenteglova §25.