Etterretningsanalytikar

Liker du å grave systematisk i ulike kjelder etter informasjon og data som samles og analyseres inn i større kontekst knyttet til kriminalitetsbildet? Ønsker du å lede og koordinere analyseprosessar i etterretningsproduksjon på operasjonelt og strategisk nivå? Vi ser etter deg som har gode analytiske ferdigheiter, formidlingsevner og er ein pådrivar for å utvikle fag i tråd med utviklingstrendar, gjeldande føringar og prioriteringar. Du tar i bruk moderne teknologi som effektiviserer analyseprosessar og verktøy som gir beslutningstakar svært gode beslutningsgrunnlag.

I Vest politidistrikt, for tida ved Felles eining for etterretning og etterforsking, Seksjon for etterretning, Avsnitt for strategisk etterretning, er det ledig ei fast stilling som seniorrådgjevar SKO 1364 eller rådgjevar SKO 1434. Stillingskode blir avgjord ut frå kvalifikasjonar.

Seksjon for etterretning leiar og koordinerer den overordna produksjon av etterretning og bruk av politidistriktet sine samla innhentingsmetodar frå taktisk til strategisk nivå. Funksjonen skal vidare sikre etterleving av bestillinger frå sentrale einingar som til dømes Kripos, Politidirektoratet og Økokrim

Avsnittet for strategisk etterretning skal sikre at politimeister har nødvendig etterretning som grunnlag for ei koordinert strategiutvikling og verksemdsplanlegging i politidistriktet. Vidare skal avsnittet sikre at etterretningsprodukter støtter felles situasjonsmedvit, strategi- og verksemdstyring, og planlegging av politiet sine aktivitetar med førebygging som primærstrategi.

Arbeidsoppgåver

• Utarbeide analysar av kriminalitetsutviklinga til styring og prioritering i tråd med etterretningsdoktrinen for politiet
• Delta i oppdragsdialog med etterretningsleiar
• Innhente, systematisere, analysere og vurdere informasjon frå fleire kjelder på operasjonelt og strategisk nivå
• Utarbeide og formidle etterretningsprodukt
• Vere oppdatert på relevante samfunnsforhold og kriminalitetsutviklinga nasjonalt og internasjonalt
• Vere ein ressursperson i samfunnsvitenskapeleg metode og rapportbygging
• Delta i opplæring og veiledning for etterretningsfaget
• Andre oppgåver pålagt av overordna

Kvalifikasjonar

• For stilling som seniorrådgjevar er det krav om relevant mastergrad eller tilsvarende, og minimum 5 års relevant arbeidserfaring
• For stilling som rådgjevar er det krav om relevant mastergrad, eller relevant utdanning frå høgskule/universitet på minimum bachelornivå kombinert med relevant arbeidserfaring. Relevant arbeidserfaring blir vektlagt og kan i særkilde tilfeller (minimum 10 år) erstatte kravet til utdanning
• Relevant høgare utdanning for stillinga er samfunnssikkerhet, samfunnsvitenskap, sikkerhet/ beredskap/krisehåndtering, risikostyring, kriminologi, politifag, økonomi, journalistikk o.l.
• Erfaring i bruk og anvendelse av metode for analyse og/eller samfunnsvitskapeleg metode
• God kunnskap om dataverktøy til bruk i analyser, opne kjeldar, aktuelt regelverk og programvare for innhenting
• Svært god munnleg og skriftleg framstillingsevne på norsk og engelsk
• Erfaring med produksjon av etterretning blir vektlagt
• Erfaring med innhenting og analyse av kompleks informasjon frå opne kjeldar er ein fordel
• Interesse for teknologi, cyberrelaterte problemstillingar og god teknisk forståing er ein fordel
• Utdanning i etterretning og/eller etterretningsanalyse frå PHS, Kripos, Forsvaret eller tilsvarende er ein fordel
• Prosjektleiarerfaring er ein fordel
• Innsikt i politiets oppdrag og organisasjon er ein fordel

Du må ha plettfri vandel og være skikket for tjeneste i politiet og politiattest (uttømmende og utvidet) må innhentes ved ev. ansettelse jfr. politiloven § 18 og politiregisterloven § 41. Kandidaten må kunne klareres for HEMMELEG.

Personlege eigenskapar

• Svært gode samarbeidsevner med relasjonelle evner som medverkar til godt arbeidsmiljø
• Evner og ynskjer å bidra til fag- og metodeutvikling, og respekterer og nyttiggjer seg av ulike perspektiv i arbeidet
• Evner å arbeide strukturert og analytisk, også under tidspress
• Vere handlekraftig, initiativrik og ha god gjennomføringsevne

Som medarbeidar i politiet er du modig og heilskapsorientert, du viser respekt og er tett på. Du kan lese meir i vår medarbeidarplattform.

Vi tilbyr

• Ein utfordrande og spennande arbeidsplass for deg som vil vere med å forme politiet for framtida
• Stillinga blir lønna som som seniorrådgjevar (stillingskode 1364), frå kr. 700.000 til kr 740.000 brutto per år, eller rådgjevar (stillingskode 1434), frå kr. 640.000 til kr. 670.000 brutto per år, avhengig av kvalifikasjonar
• Medlemskap i Statens pensjonskasse, med mellom anna gode pensjons- og forsikringsordningar (www.spk.no)
• Gode arbeidsvilkår (t.d. fleksibel arbeidstid, sommartid, trening i arbeidstida o.l.)

Generelt

For stillinga gjeld vanlege tilsetjingsvilkår for staten, mellom anna prøvetid etter Statsansatteloven. Søkjar må kunne bruke både bokmål og nynorsk. Politiet meiner at inkludering og mangfald er ein styrke. Vi treng medarbeidarar med ulike kompetansar, bakgrunn, erfaring og perspektiv for å bidra til enda betre oppgåveløysing. Dersom det er mogleg vil vi tilretteleggje for medarbeidarar som har behov for det.

Dersom det er kvalifiserte søkjarar med funksjonsnedsetting, hull i CV-en eller innvandrarbakgrunn, skal vi innkalle minst ein søkjar i kvar av desse gruppene til intervju. For å bli vurdert som søkjar i desse gruppene, det vil si positivt særbehandla på denne måten, må søkjarane oppfylle visse krav.

Vi oppmodar søkjarar til å krysse av i vår rekrutteringsportal dersom dei har funksjonsnedsetting, hull i CV-en eller innvandrarbakgrunn. Avkrysningane i rekrutteringsportalen dannar grunnlag for anonymisert statistikk som alle statlege verksemder rapporterer i sine årsrapportar. Les meir på https://arbeidsgiver.difi.no/positivsaerbehandling

Aktuelle søkjarar vil bli kalla inn til intervju. Stadfesta vitnemål og attestar må takast med til intervjuet. Vi gjer merksam på at søkjarlista kan bli gjort offentleg sjølv om søkjar ber om å få vere anonym, jf. Offentleglova § 25. Vi ber om elektronisk søknad via lenka.

Ref.nr: 23/78644